کوئٹہ: دو مراحل پر مشتمل کوئٹہ کی اٹھارہ یونین کونسلز میں انسداد پولیو مہم دوسرے روز بھی جاری ہے۔
انسداد پولیو مہم کا پہلا مرحلہ ضلع کے اٹھارہ یونین کونسلز میں دوسرے روز بھی جاری ہے، سیکورٹی کے سخت انتظامات کئے گئے ہیں۔
محکمہ صحت بلوچستان کے حکام کے مطابق مہم کے پہلے مرحلے ضلع کے 18یونین کونسلز میں دو لاکھ 28ہزار سے زائد بچوں کو پولیو سے بچاؤ کے قطرے پلائے جائیں گے۔
- Advertisement -
اس سلسلے میں 487موبائل ٹیمیں حصہ لے رہی ہیں جبکہ 25ٹرانزٹ پوائنٹس 48فکس پوائنٹس پر بھی بچوں کو قطرے پلانے کی سہولت کی دی گئی ہے۔
ٹیموں کی حفاظت کے لئے پولیس کے علاوہ ایف سی اہلکار بھی تعینات کئے گئے ہیں، مہم کا دوسرا مرحلہ کوئٹہ کے باقی 17یونین کونسلز میں دو مارچ سے شروع ہوگا۔
