پاکستان شوبز انڈسٹری کی معروف اداکارہ جگن کاظم نے بیرون ملک شوٹنگ کے دوران سیٹ پر معمولی اخراجات پر ہونے والے جھگڑے کی داستان سنا دی۔
پاکستان شوبز انڈسٹری کی معروف اداکارہ و ہوسٹ جگن کاظم نے حال ہی میں حنا الطاف کے پوڈ کاسٹ میں بطور مہمان شرکت کی جہاں اُنہوں نے مختلف موضوعات پر دلچسپ گفتگو کی۔
اداکارہ نے کہا کہ بیرون ملک شوٹنگ کے دوران ایک سینئر اداکار نے ایک برگر خریدا اور اس کی رسید سیٹ پر آ کر پروڈکشن ٹیم کو دی اور کہا کہ مجھے آپ لوگوں نے دوپہر کا کھانا نہیں دیا تھا تو میں نے برگر خود خریدا یہ اس کی رسید ہے۔
اداکارہ نے بتایا کہ خدا کی قسم میں نے سیٹ پر یہ سارا جھگڑا ہوتے خود اپنی آنکھوں سے دیکھا ہے، اس برگر کی قیمت صرف 6 ڈالر تھی۔
جگن کاظم کا کہنا تھا کہ مجھے بہت برا لگتا ہے جب لوگ بیرون ملک شوٹنگ پر جاتے ہیں اور وہاں پر ہونے والے چھوٹے موٹے اخراجات کا حساب رکھتے ہیں اور پھر پروڈکشن ٹیم کو رسیدیں دے کر پیسے مانگتے ہیں۔
جگن کاظم نے کہا کہ انسان کو دینے والا ہاتھ رکھنا چاہیے، چھوٹی چھوٹی چیزوں کے لیے بھکاریوں کی طرح پیسے مانگنا زیب نہیں دیتا ہے۔
View this post on Instagram
