کراچی : پاکستانی روپے کے مقابلے امریکی ڈالر میں اضافہ ہوا، جس کے بعد ڈالر 279 روپے 15 پیسے کا ہوگیا۔

تفصیلات کے مطابق پاکستانی روپے کے مقابلے میں امریکی ڈالر کی قدر میں اضافہ ریکارڈ کیا گیا ، اسٹیٹ بینک آف پاکستان کی جانب سے جاری اعداد و شمار کے مطابق آج انٹر بینک میں ڈالر 19 پیسے مہنگا ہوا۔

جس کے بعد کاروباری ہفتےکے چوتھے روز انٹر بینک میں ڈالر 279 روپے 15 پیسے پر بند ہوا جبکہ گزشتہ روز ڈالر 278 روپے 96 پیسے پر بند ہوا تھا۔

فاریکس ایسوسی ایشن آف پاکستان کے مطابق اوپن مارکیٹ میں ڈالر کی خرید و فروخت کی شرح بالترتیب 279.60 روپے اور 281.10 روپے رہی۔

اسٹیٹ بینک آف پاکستان نے بتایا کہ یورو کی قیمت گزشتہ روز 288.02 روپے کے بند ہونے کے مقابلے میں 1.73 روپے اضافے سے 289.75 روپے پر بند ہوئی۔

جاپانی ین 03 پیسے بڑھ کر 1.82 روپے پر بند ہوا جب کہ برطانوی پاؤنڈ کی شرح تبادلہ میں 1.86 روپے کا اضافہ دیکھا گیا جو گزشتہ روز کے 346.31 روپے کے بند ہونے کے مقابلے میں 348.17 روپے پر ٹریڈ ہوا۔

اس کے علاوہ اماراتی درہم اور سعودی ریال کی شرح تبادلہ 06 اور 05 پیسے اضافے سے بالترتیب 76.00 روپے اور 74.42 روپے پر بند ہوئی۔