بالی ووڈ کے چھوٹے نواب اداکار سیف علی خان پر ممبئی میں ہونے والے حملے کے کیس میں اہم پیش رفت سامنے آئی ہے۔
بھارتی میڈیا رپورٹس کے مطابق اداکار سیف علی خان پر حملے کے کیس کے ملزم شریف الاسلام شہزاد کے فنگر پرنٹس گھر میں رکھی چیزوں سے لیے گئے نمونوں سے میچ ہو گئے ہیں۔
ممبئی پولیس کا کہنا ہے کہ سیف علی خان کے گھر سے متعدد نمونے اکٹھے کیے گئے تھے جنہیں فارنسک جانچ کے لیے بھیجا گیا تھا، جس کی کچھ رپورٹس آچکی ہیں۔
ممبئی پولیس کے مطابق جانچ کے لیے بھیجے گئے نمونوں میں فنگر پرنٹ ملزم کے ریکارڈ سے میچ کر رہے ہیں مگر تاحال پولیس حتمی رپورٹ کا انتظار کر رہی ہے۔
اداکار پر 16 جنوری 2025 کو باندرہ میں گھر کے اندر چاقو حملے میں شدید زخمی ہوئے تھے جبکہ شریف الاسلام کو 19 جنوری 2025 کو گرفتار کیا گیا تھا، تب سے وہ آرتھر روڈ سنٹرل جیل میں بند ہے۔
