راولپنڈی: اے این ایف نے اسلام آباد انٹرنیشنل ایئرپورٹ پر جدہ جانے والے مسافر کے کپڑوں میں جذب 9.478 کلو گرام آئس برآمد کر لی گئی۔
تفصیلات کے مطابق اینٹی نارکوٹکس فورس ( اے این ایف) کی ملک کے مختلف شہروں میں منشیات اسمگلنگ کے خلاف کریک ڈاؤن جارتی ہے، 5 کارروائیوں میں 4 ملزمان کو گرفتار کرکے ایک کروڑ سے زائد مالیت کی 18.866 کلو گرام منشیات برآمد کر لی گئیں۔
ترجمان اے این ایف کے مطابق اسلام آباد انٹرنیشنل ایئرپورٹ پر جدہ جانے والے مسافر کے کپڑوں میں جذب شدہ 9.478 کلو گرام آئس جبکہ دبئی جانے والے مسافر کے جوتوں میں چھپائی گئی 354 گرام چرس برآمد کی گئی۔
ترجمان کا کہنا ہے کہ راولپنڈی میں واقع کوریئر آف کے ذریعے بحرین بھیجے جانے والے پارسل سے کچن کے سامان میں چھپائی گئی 934 گرام آئس برآمد ہوئی۔
ترجمان کے مطابق جھنگ میں ملو موڑ کے قریب گاڑی کے خفیہ خانوں سے 8 کلو ہیروئن برآمد کرکے ملزم کو گرفتار کرلیا گیا جبکہ ڈیرہ اسماعیل خان میں شیخ یوسف چوک کے قریب ملزم سے 100 گرام چرس برآمد ہوئی۔
