لاہور : لاہور ہائیکورٹ کے نئے 9 ایڈیشنل ججز کی تعیناتی کا نوٹیفکیشن جاری ہوگیا، نئے ججز کی تعیناتی کے بعد ہائیکورٹ میں ججز کی تعداد 43 ہوگئی ہے۔

تفصیلات کے مطابق لاہور ہائیکورٹ کے نئے نو ایڈیشنل ججز کی تعیناتی کا نوٹیفکیشن جاری کردیا گیا۔

چیف جسٹس لاہور ہائی کورٹ جسٹس عالیہ نیلم یڈیشنل ججز سے حلف لیں گی، حلف اٹھانے کے بعد ہائی کورٹ میں جج کی تعداد 43 ہوجائے گی۔ج

حلف اٹھانے والے ججز میں جسٹس حسن نواز مخدوم، جسٹس ملک وقارحیدراعوان، جسٹس سرداراکبرعلی، جسٹس ملک جاوید اقبال وینس، جسٹس سید احسن رضا کاظمی اور جسٹس محمد جواد ظفرشامل ہیں۔

اس کے علاوہ سابق ایڈووکیٹ جنرل پنجاب جسٹس خالد اسحاق، جسٹس ملک محمد اویس خالد اورجسٹس چوہدری سلطان محمود بھی حلف اٹھائیں گے۔

گذشتہ روز صدر مملکت نے لاہور ہائی کورٹ میں 9 نئے ایڈیشنل ججوں کو مقرر کیا گیا تھا، جاری نوٹی فکیشن کے مطابق نئے ججز کی تقرریاں آئین کے آرٹیکل 197 اور 175 (اے) کے تحت کی گئی ہیں۔