لاہور : محکمہ انسداد دہشت گردی ( سی ٹی ڈی ) نے انٹیلی جنس بیسڈ آپریشن کے دوران فتنہ الخوارج کے خطرناک دہشت گرد سمیت 15 دہشت گردوں کو گرفتار کرلیا۔
تفصیلات کے مطابق محکمہ انسداد دہشت گردی ( سی ٹی ڈی ) نے پنجاب کے مختلف شہروں میں 143 آئی بی اوز آپریشنز کیے۔
ترجمان نے بتایا کہ انٹیلی جنس بیسڈ آپریشن کے دوران 15 دہشت گرد گرفتار کیے گئے۔
ترجمان کا کہنا تھا کہ لاہور ،سیالکوٹ ،گجرات ،اٹک ،سرگودھا ، بہاولپور ،جھنگ، میانوالی، چنیوٹ اور اٹک میں کارروائیاں کی گئیں،ترجمان سی ٹی ڈی
حکام نے کہا کہ لاہور سے فتنہ الخوارج کا خطرناک دہشت گرد گرفتار کیا گیا ، دہشت گرد کا تعلق شمالی وزیرستان سے ہے۔
ترجمان کا بتانا تھا کہ دہشت گردوں سے دھماکہ خیز مواد، پمفلٹ ،نقدی برآمد ہوئی ہے ، دہشت گرد مختلف مقامات پر کارروائی کر کے خوف و ہراس پھیلانا چاہتے تھے۔
حکام کے مطابق رواں ہفتے میں 1498 کومبنگ آپریشنز کے دوران 556 مشتبہ افراد گرفتار کیے گئے۔
