بدھ, فروری 12, 2025
اشتہار

لاہور : شادی کا کھانا کھانے سے مہمان اسپتال پہنچ گئے

اشتہار

حیرت انگیز

لاہور : شادی ہال میں ناقص کھانا کھانے سے تقریب میں شریک مہمان فوڈ پوائزننگ کا شکار ہوگئے، متعدد کی حالت تشویشناک ہوگئی۔

اے آر وائی نیوز کی رپورٹ کے مطابق لاہور کے ایک پوش علاقے میں شادی کی تقریب میں ناقص کھانا کھانے سےمتعدد افراد کی حالت خراب ہوگئی۔

لاہورکے علاقے خیابان کے رہائشی شہری سرفراز کے گھر شادی کی تقریب جاری تھی جس میں تقریباً 360 سے زائد مہمانوں کو مدعو کیا گیا تھا۔

تقریب میں جیسے ہی کھانے کا دور شروع ہوا تو تھوڑی دیر بعد ہی لوگوں نے اپنا پیٹ پکڑ لیا اور الٹیاں کرنا شروع کردیں۔

اس موقع پر فوڈ پوائزنگ کے شکار مہمانوں کو تشویشناک حالت میں قریبی اسپتال منتقل کیا گیا، جہاں انہیں فوری طبی امداد فراہم کی گئی۔

تقریب کے میزبان سرفراز نے میڈیا کو بتایا کہ 9 سے زائد افراد تشویش ناک حالت میں جنرل اسپتال میں زیرعلاج ہیں۔ آخری اطلاعات تک واقعے کی اصل وجوہات کا علم نہیں ہوسکا۔

علاوہ ازیں بھارت میں شادی کی تقریب اس وقت میدان جنگ میں تبدیل ہوگئی، جب مٹن کا سالن پیش نہ کرنے پر دلہے والوں نے ہنگامہ شروع کردیا۔ واقعے میں 10سے زائد افراد زخمی ہوگئے، دلہا اور دلہن والوں نے ایک دوسرے پر پلیٹوں اور کرسیوں سے حملہ کردیا۔

دلہا اور دلہن والوں میں لڑائی کا آغاز اس وقت ہوا جب دلہے کے بعض رشتہ داروں نے مٹن کا سالن پیش نہ کرنے کی شکایت کی، جس پر کیٹرنگ کے عملے نے ان کے مطالبات ماننے سے انکار کر دیا۔

شادی میں کھانا کھانے کے بعد دولہا دلہن سمیت 50 افراد کی حالت غیر

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں