اسلام آباد : ترکیہ صدر رجب طیب اردوان کی ایڈوانس ٹیم پاکستان پہنچ گئی تاہم ترکیہ صدر آج رات اسلام آباد پہنچیں گے۔
تفصیلات کے مطابق ترکیہ صدر رجب طیب اردوان کی ایڈوانس ٹیم پاکستان پہنچ گئی، سفارتی زرائع نے بتایا کہ ٹیم آج صبح اسلام آباد پہنچی ہے جبکہ ترکیہ صدر آج رات اسلام آباد پہنچیں گے۔
،سفارتی ذرائع کا کہنا تھا کہ ترکیہ صدر 13 فروری تک پاکستان کا دورہ کریں گے، ان کے ہمراہ اعلیٰ سطح کا وفد بھی ہو گا۔
وزیراعظم اور ترکیہ صدر پاک ترک اعلیٰ سطح اسٹریٹجک کوآپریشن کونسل کے اجلاس کی صدارت کریں گے ، سیشن کے اختتام پر ایک مشترکہ اعلامیہ جاری کیا جاے گا۔
اس دوران متعدد اہم معاہدوں،ایم او یوز پر دستخط متوقع ہیں جبکہ دونوں رہنما مشترکہ پریس اسٹیک آؤٹ سے بھی خطاب کریں گے۔
ترکیہ صدر وزیراعظم شہبازشریف اور صدر آصف زرداری سے دو طرفہ ملاقاتیں کریں گے جبکہ وزیراعظم کے ساتھ وہ پاکستان ترکیہ بزنس اینڈ انویسٹمنٹ فورم سے خطاب کریں گے۔
دفتر خارجہ کا کہنا تھا کہ دونوں اطراف کے سرکردہ سرمایہ کاروں، کمپنیوں اور کاروباری افراد کو اکٹھا کیا جائے گا، اسٹریٹجک کوآپریشن کونسل فیصلہ سازی کا اعلیٰ ترین فورم ہے۔
ترجمان نے کہا کہ فورم دونوں ممالک کے درمیان دوطرفہ تعلقات کو مزید مضبوط بنانے کیلئےاسٹریٹجک سمت فراہم کرتا ہے، ہائی لیول اسٹریٹجک کوآپریشن کونسل کے تحت متعدد مشترکہ قائمہ کمیٹیاں ہیں۔
