اسلام آباد : آسٹریلیا اور نیوزی لینڈ نے باسمتی چاول کو پاکستانی برانڈ تسلیم کرلیا اور بھارت چاول کو اپنا برانڈ ثابت کرنے میں ناکام رہا۔
تفصیلات کے مطابق بین الاقوامی منڈی میں پاکستان کو بڑی کامیابی مل گئی، آسٹریلیا اور نیوزی لینڈ نے باسمتی چاول کو پاکستانی برانڈ تسلیم کرلیا۔
پاکستانی تاجروں کا کہنا ہے یورپی یونین سے بھی فیصلہ پاکستان کے حق میں آنے کی توقع ہے، چاول پر پاکستان کو نقصان پہنچانے کی بھارتی کوشش ناکام ہوگئی ہے۔
دنیا میں پاکستانی چاول کی برآمد بڑھ کرچار ارب ڈالرسے تجاوز کرچکی ہے اور بھارت دبئی سے پاکستانی چاول خرید کراپنا برانڈ بنا کرفروخت کررہا تھا۔
پاکستان انیس سوساٹھ سےیورپ اورخلیجی ملکوں سمیت دیگر ممالک کو چاول برآمد کررہا ہے، بھارتی بزنس مین چاول کو اپنا برانڈ ثابت کرنے میں ناکام ہوگئے ہیں۔
