جیکب آباد میں اراضی کے تنازعہ پر فائرنگ سے 3 افراد جاں بحق ہوگئے۔
اے آر وائی نیوز کے مطابق پولیس کا کہنا ہے کہ جیکب آباد میں اراضی کے تنازعہ پر فائرنگ کا واقعہ تھانہ کریم بخش کی حدودگاؤں محمد مراد کھوسو میں پیش آیا ہے۔
پولیس کے مطابق لاشیں تعلقہ اسپتال ٹھل منتقل کرکے ملزمان کی تلاش شروع کردی گئی ہے جبکہ فائرنگ کے واقعے میں جاں بحق ہونے والے افراد کی شناخت آفتاب، ذوالفقار اور مراد کے نام سے ہوئی ہے۔
اس سے قبل جہلم کے علاقے بھرٹہ میں ملزمان کی اندھا دھند فائرنگ کے نیتجے میں 4 افراد جاں بحق ہوگئے۔
پولیس نے بتایا کہ مقتولین میں ماں، بیٹا، بیٹی اور داماد شامل ہیں، جمیل گجر نے اپنے بھائی ظہیر گجر کے ساتھ مل کر فائرنگ کی، دونوں پارٹیوں میں چند روز قبل بھی جھگڑا ہوا تھا۔
ڈی پی او نے جائے وقوع کا دورہ کیا جبکہ کرائم سین یونٹ بھی موجود ہے۔ پولیس حکام کا کہنا ہے کہ ملزمان کی گرفتاری کیلیے چھاپے مار رہے ہیں۔
نامعلوم افراد کی فائرنگ سے پی ٹی آئی رہنما قتل
ادھر، آئی جی پنجاب عثمان انور نے واقعے کا نوٹس لیتے ہوئے آر پی او راولپنڈی سے رپورٹ طلب کر لی جبکہ ڈی پی او جہلم کو ملزمان کی فوری گرفتاری کا حکم دے دیا۔
عثمان انور نے ہدایت کی کہ ملزمان کی گرفتاری کیلیے تمام وسائل بروئے کار لائیں۔
