پاکستانی شوبز انڈسٹری کی مشہور و معروف اداکارہ اور میزبان وینا ملک کی نئی تصاویر دیکھ کر مداح حیران رہ گئے۔
اپنے انسٹاگرام اکاؤنٹ پر وینا ملک نے نئی تصاویر شیئر کی ہیں جس میں دیکھا جاسکتا ہے کہ اداکارہ ایک لڑکے کے ساتھ بے باک انداز میں بیٹھی ہوئی ہیں۔
وینا کے اس نامعلوم لڑکے کے ساتھ بیٹھنے کا انداز بتا رہا ہے کہ یہ کوئی غیر نہیں بلکہ اداکارہ کا قریبی دوست ہوسکتا ہے، اس پوسٹ کے کمنٹ باکس میں اداکارہ نے ’کومبو‘ لکھا ہے۔
View this post on Instagram
اداکارہ کی جانب سے تصاویر شیئر کئے جانے کے بعد سوشل میڈیا صارفین کی جانب سے ملے جلے رد عمل کا اظہار کیا جارہا ہے، بعض صارفین دعویٰ کررہے ہیں کہ یہ وہ لڑکا شہریار ہو سکتا ہے، جسے اداکارہ اپنا ہمسفر قرار دیتی رہی ہیں۔
اس سے قبل اداکارہ نے واضح کیا تھا کہ ان کے شہریار چوہدری نامی شخص سے اچھے تعلقات ہیں، مگر انہوں نے ان سے شادی کا فیصلہ نہیں کیا ہے۔
پاکستانی اداکارہ نے نجی چینل کے پروگرام میں شرکت کی، جہاں انہوں نے مختلف معاملات پر اپنا موقف واضح کیا۔
شہریار چوہدری سے تعلقات اور دوستی کے حوالے سے انہوں نے بتایا کہ میری اس سے اچھے تعلقات ہیں، شہریار چوہدری کو پہلے سے ہی جانتی تھی۔
معلوم تھا کہ ان کا تعلق اسلام آباد سے ہے لیکن وہ متحدہ عرب امارات (یو اے ای) کی ریاست دبئی میں مقیم ہیں، تاہم اس کے باوجود ان کا رابطہ انسٹاگرام کے ذریعے ہوا۔
اداکارہ کا کہنا تھا کہ شہریار چوہدری نے ماسٹر کی ڈگری حاصل کر رکھی ہے اور وہ خوبصورت شخص ہے، ان کے درمیان اچھے تعلقات اور دوستی ہے لیکن تاحال شادی کا حتمی فیصلہ نہیں کیا۔
ملک نے دعویٰ کیا ہے کہ انہیں تاحال شادی کے لیے متعدد پیش کشیں ملتی رہتی ہیں جبکہ ان کے والدین کے پاس بھی ان کے بہت رشتے آتے رہتے ہیں۔
میرا اور چاہت فتح علی خان کا بدوبدی پر ڈانس وائرل
وینا کا کہنا تھا کہ وہ سیدھی سادی حسن پرست عورت ہیں، انہیں شادی کے لیے دراز قد، خوبصورت اور مکمل چیزوں والا مرد ہی چاہیے۔
اداکارہ کا کہنا تھا کہ سانولی رنگت پسند نہیں، خواہش ہے کہ شوہر ان سے قد میں لمبا ہو، کیوں کہ وہ خود پانچ فٹ پانچ انچ کے قد والی ہیں۔
