اسرائیل نے غزہ اور بیروت میں جنگ بندی معاہدوں کی خلاف ورزی کرتے ہوئے ایک بار پھر فضائی حملے کئے ہیں۔

بین الاقوامی خبر رساں ادارے کی رپورٹ کے مطابق اسرائیل نے دعویٰ کیا ہے کہ بیروت میں حزب اللہ کے ہتھیاروں کو نشانہ بنایا گیا ہے۔

رپورٹس کے مطابق ایران سے آنے والی پرواز کو بیروت ائیرپورٹ پر اترنے نہیں دیا گیا، سویلین طیارے میں حزب اللہ کے لیے رقوم کی ترسیل کا الزام عائد لگایا گیا تھا۔

اس سے قبل امریکی صدر ڈونلڈ ٹرمپ کا ایک بیان سامنے آیا ہے کہ امریکا کے پاس ایٹمی ہتھیاروں کا اتنا بڑا ذخیرہ موجود ہے کہ ہم 100 دفعہ دنیا کو تباہ کرنے کی صلاحیت رکھتے ہیں۔

ٹرمپ نے وائٹ ہاؤس میں میڈیا سے بات کرتے ہوئے کہا کہ امریکا کو نئے ایٹمی ہتھیاروں بنانے کی ضرورت نہیں ہے، اس سے بچنے والی رقم کو دوسرے معاملات پر خرچ کیا جا سکتا ہے۔

امریکی صدر کا کہنا تھا کہ خواہش ہے کہ امریکا، روس اور چین اپنے دفاعی بجٹ کو آدھا کر دیں۔

حماس کا اسرائیلی یرغمالیوں کی رہائی سے متعلق بڑا فیصلہ

ٹرمپ نے کہا ہے کہ روسی صدر ولادیمیر پیوٹن اور چینی صدر شی جن پنگ سے ملا قات میں یہ پیشکش رکھنے کا ارادہ رکھتا ہوں۔