اسلام آباد: ڈسکوز کی نجکاری کے حوالے سے کوآرڈی نیشن کے لیے کمیٹی تشکیل دے دی گئی۔
اے آر وائی نیوز کے مطابق 7 رکنی کمیٹی کی سربراہی جوائنٹ سیکریٹری پاور ڈویژن خالد خان کریں گے، پاور ڈویژن، نجکاری کمیشن اور عالمی شہرت یافتہ کمپنی کے ایم ڈی، سینئر ڈائریکٹر شامل ہیں۔
ذرائع کا کہنا ہے کہ پاور ڈویژن کی جانب سے کمیٹی کے ٹی او آرز بھی جاری کردیے گئے ہیں۔
کمیٹی آئیسکو، فیسکو، گیپکو کی نجکاری کے عمل کی کوآرڈی نیشن کرے گی، کمیٹی تمام شراکت داروں میں کو آرڈی نیشن، ہفتہ وار کارکردگی کا جائزہ لے گی۔
ذرائع کے مطابق کمیٹی ڈسکوز سے معلومات جمع کرنے کے لیے فنانشل ایڈوائزر کو معاونت فراہم کرے گی، کمیٹی نجکاری کے عمل کے دوران آپریشنل ایشوز کے حل کے لیے اقدامات کرے گی۔
