بالی ووڈ اداکار راج کمار راؤ اور وامیکا گبی کی فلم ’بھول چوک معاف‘ 10 اپریل کو سنیما گھروں کی زینت بنے گی۔
بالی ووڈ ہنگامہ کی رپورٹ کے مطابق فلم ’بھول چُوک معاف‘ میں راج کمار راؤ اور وامیکا گبی مرکزی کردار نبھائیں گے جبکہ اسے میڈاک فلمز کے بینر تلے ریلیز کیا جائے گا۔
فلم ایک منفرد تصور پر مبنی ہے اور اس کا ٹیزر بھی 1.23 منٹ پر مشتمل ہے۔
تاہم بھول چوک معاف کا باکس آفس پر سنی دیول کی ’جات‘ سے ٹکراؤ ہوگا اور جو بلاک بسٹر گدر 2 کے بعد سنی دیول کی پہلی فلم ہے۔
جات کو گوپی چند ملینینی نے ڈائریکٹ کیا ہے، جب کہ اس کی پروڈکشن میتری مووی میکرز اور پیپل میڈیا فیکٹری کے بینر تلے ہوئی ہے۔ فلم کی کاسٹ میں رندیپ ہودا، وینیت کمار سنگھ، سائیامی کھیر اور رجینا کیسندرا شامل ہیں۔
ٹیزر میں سنی دیول کی شاندار کارکردگی اور ایکشن سیکوینس نے مداحوں کو بے حد متاثر کیا۔ فلم کے موسیقار تھامن ایس ہیں، اور سینماٹوگرافی کے فرائض رشی پنجابی نے انجام دیے ہیں، جب کہ ایکشن کوریوگرافی این ایل اراسو، رام لکشمن اور وینکٹ نے کی ہے۔
علاوہ ازیں اکشے کمار کی فلم کیسری چیپٹر ٹو 18 اپریل کو ریلیز ہوگی جبکہ سلمان خان کی عید پر ریلیز ہونے والی فلم ’سکندر‘ مارچ کے آخری ہفتے میں سنیما گھروں کی زینت بنے گی۔
