ویڈیو رپورٹ: ملک نعیم وفا
ریفائن شوگر کے نقصانات سے جن لوگوں کو واقفیت ہے، وہ گڑ کی طرف راغب ہوتے ہیں، لیکن یہ کم ہی لوگ جانتے ہیں کہ گنے سے گڑ کی تیاری کا مرحلہ کتنا کٹھن ہوتا ہے۔
کاشتکارمحمد لطیف ڈوگر کےوالد اور دادا بھی کھیتی باڑی سے وابستہ تھے، وہ اس کام سے خوش ہیں، کہتے ہیں گنے کی فصل میں بڑی برکت ہے، آمدنی اچھی ہوتی ہے۔
کسان کو سال بھر کماد کی فصل کا خیال رکھنا پڑتا ہے، موسم سرما کا جوبن آنے پر کماد کی تیار فصل سے گنے تیار کیے جاتے ہیں، پھر گنے کو بیلنے میں ڈال کر ان کا رس نکالا جاتا ہے۔ گنے کے رس کو چھوٹے برتنوں کے ذریعے چونبھے پر رکھے کڑاہ میں ڈالا اور خوب پکایا جاتا ہے۔ یہ رس گاڑھا ہو جائے تو لکڑی کے سانچے میں ڈال کر گڑ اور شکر تیار کی جاتی ہے۔
شہتوت کی ٹہنیوں پر ہنر کا استعمال، اچھا کاروبار، اچھا منافع (ویڈیو رپورٹ)
کسان کہتے ہیں ہاتھ سے بنائے گڑ اور شکر کا خاص ذائقہ ہوتا ہے۔ کماد کی فصل ابتدا سے انتہا تک انتہائی مشقت طلب ہے۔ جب گنے کی اچحی فصل تیار ہوتی ہے اور اس کے رس سے گڑ بنانے کا مرحلہ آتا ہے، تو کسان خوش ہوتے ہیں۔ انھیں امید ہوتی ہے کہ گڑ کی فروخت سے محنت کا معاوضہ اچھا ملے گا۔
