پاکستان شوبز انڈسٹری کی معروف اداکارہ کبریٰ خان اور اداکار گوہر رشید نے خانہ کعبہ میں نکاح کی خوبصورت ویڈیو شیئر کردی۔
شوبز انڈسٹری کے خوبصورت جوڑے کی جانب سے شیئر کی گئی ویڈیو میں کبریٰ خان کو اپنے شوہر گوہر، اہل خانہ اور دوستوں کے ہمراہ خانہ کعبہ میں خوشی کے لمحات گزارتے دیکھا جاسکتا ہے۔
View this post on Instagram
ویڈیو میں دیکھا جاسکتا ہے کہ کبریٰ خان نے اپنے نکاخ کے موقع پر سفید رنگ کا لباس زیب تن کر رکھا ہے ساتھ ہی لال رنگ کے خوبصورت دوپٹے سے گونگھٹ لیا ہوا ہے جبکہ گوہر رشید سفید کرتا شلوار پہنے ہوئے نظر آرہے ہیں۔
کبریٰ خان نے انسٹاگرام پر ویڈیو شیئر کرتے ہوئے کیپشن میں لکھا کہ ’ بیشک اللہ بہترین تدبیر کرنے والا ہے‘، نکاح کے موقعے پر اداکارہ کے ہمراہ مومل اور شہزاد کو بھی دیکھا جاسکتا ہے۔
سوشل میڈیا پر اس خوبصورت جوڑی کے مداحوں اور ساتھی فنکاروں کی جانب سے نکاح کی مبارکباد دیتے ہوئے ان کیلئے نیک تمناؤں کا اظہار کیا جارہا ہے۔
View this post on Instagram
اس سے قبل انسٹاگرام پر گوہر رشید اور کبریٰ خان نے ایک پوسٹ شیئر کی تھی جس میں دو ایسی تصاویر شامل کی گئیں تھی جس سے اندازہ لگایا جاسکتا ہے کہ دونوں کا نکاح ہوگیا ہے۔
جوڑے کی جانب سے شیئر کی گئی تصاویر میں دیکھا جاسکتا ہے کہ دونوں کے ہاتھ غلافِ کعبہ کو چھو رہے ہیں، اس دوران دونوں کے ہاتھوں میں ’ویڈنگ رِنگ‘ بھی موجود ہے جبکہ دوسری تصویر میں دونوں نے اپنے عمرے کی تصویر شامل کی ہے۔
انسٹا گرام پر شیئر کی گئی اس پوسٹ کے کیپشن میں انہوں نے لکھا کہ ’اللہ کی رحمت کے سائے میں، 70 ہزار فرشتوں کی موجودگی میں 12 فروری 2025 کو ہم پر اللہ کی رحمت بارش کی صورت میں برسی‘۔
جوڑے نے کیپشن کے اختتام پر دو خوبصورت الفاظ ’قبول ہے‘ لکھے جو انکے نکاح اور اس تصویر کی اہمیت کو اجاگر کرتے ہیں۔
