بالی ووڈ کے سپر اسٹار اداکار وکی کوشل اور رشمیکا کی فلم ’چھاوا‘ ایک ہفتے کے دوران بھارتی باکس آفس پر چھاگئی۔
معروف بالی وڈ اداکار وکی کوشل اور ساؤتھ انڈین اسٹار رشمیکا مندانا کی فلم ’چھاوا‘ کی کہانی مداحوں کو بھاگئی فلم میں وکی نے ’چھترپتی سنبھاجی مہاراج‘ کا کردار نبھایا ہے جس نے دیکھنے والوں کے دل جیت لیے۔
بالی ووڈ فلم چھاوا 14 فروری کو ویلنٹان ڈے کے موقع پر ریلیز کی گئی تھی جس کے بعد یہ فلم 2025 کی اب تک کی سب سے بڑی اوپننگ دینے والی فلم سمجھی جا رہی ہے۔
View this post on Instagram
بھارتی میڈیا کے مطابق فلم نے ریلیز کے ایک ہفتے کے دوران بھارت بھر سے 270 کروڑ بھارتی روپے کا ریکارڈ بزنس کیا ہے، فلم نے ریلیز کے پہلے ہی دن ریکارڈ قائم کرتے ہوئے فلم ’اوڑی: دی سرجیکل اسٹرائیک‘ کو پیچھے چھوڑ دیا تھا جس نے پہلے دن 8.20 کروڑ روپے کا بزنس کیا تھا۔
تاہم وکی کوشل کی فلم نے دو دونوں کے اندر 67.50 کروڑ کا بزنس کیا تھا تاہم اب یہ فلم 1 ہفتے کے اندر 200 کروڑ سے زائد کا بزنس کرنے والی فلموں کے کلب میں شامل ہوگئی ہے۔
بھارتی میڈیا کا کہنا ہے کہ فلم کو 130 کروڑ روپے کے بجٹ میں پروڈیوس کیا گیا ہے۔ میڈاک فلمز کے بینر تلے بننے والی فلم کو تحت دنیش وجن نے پروڈیوس کیا جبکہ لکشمن اٹیکر نے ہدایت کاری کے فرائض انجام دیے۔
سوشل میڈیا پلیٹ فارمز پر وائرل ایک ویڈیو میں فلم بینوں کو مراٹھا جنگجو کے کردار کی اداکاری نے کافی متاثر کیا، لکشمن اٹیکر کی ہدایت کاری میں بننے والی اس فلم میں رشمیکا مندانا، آشوتوش رانا اور ڈیانا پینٹی بھی ہیں۔ اکشے کھنہ نے اسکرین پر مغل شہنشاہ اورنگزیب کے کردار میں نظر آئے۔
