بھارتی پولیس نے کئی سال کی کوششوں کے بعد دہلی کی ’لیڈی ڈان‘ کو حراست میں لے لیا۔
بھارتی میڈیا رپورٹس کے مطابق دہلی پولیس نے 33 سالہ خاتون ’لیڈی ڈان‘ کو 270 گرام ہیروئن رکھنے کے الزام میں گرفتار کیا ہے، جس کی بین الاقوامی مارکیٹ میں مالیت 1 کروڑ روپے کے قریب ہے۔
میڈیا رپورٹس کے مطابق خاتون طویل عرصے سے قانون نافذ کرنے والے اداروں کے ریڈار پر تھی اور پولیس کو چکمہ دینے میں کامیاب ہوجایا کرتی تھی، خاتون جیل میں قید اپنے شوہر کے گینگ کو بھی چلا رہی تھی۔
بھارتی میڈیا کا اس حوالے سے کہنا ہے کہ گرفتار خاتون کے شوہر پر قتل، بھتہ خوری اور اسلحے کی اسمگلنگ کے درجنوں مقدمات درج ہیں۔
دوسری جانب بھارت میں حیدرآباد پولیس نے نامپلی نمائش میں خواتین سے چھیڑ چھاڑ اور بدتمیزی کرنے کے الزام میں 247 افراد کو رنگے ہاتھوں پکڑ لیا۔
یہ نمائش 3 جنوری سے 17 فروری تک جاری تھی اور پولیس کی خصوصی ٹیموں نے خواتین اور بچوں کی حفاظت کو یقینی بنانے کے لیے سخت نگرانی کی۔
خاتون کو اغوا کرنے کی کوشش کرنے والا ملزم گرفتار
37 افراد پر قانونی کارروائی کے تحت مقدمات درج کیے گئے جن میں سے 2 افراد کو 2 دن کی قید کی سزا سنائی گئی۔
33 افراد پر فی کس 1050 روپے جرمانہ عائد کیا گیا۔ ایک شخص کو 2 دن قید اور 50 روپے جرمانہ ہوا۔ 190 افراد کو انتباہ کے بعد رہا کر دیا گیا۔
