لاہور : عوام کی سہولت کے لیے وزیراعلیٰ پنجاب کا ایک اور بڑا اقدام سامنے آیا ، صوبے میں "مریم نواز کمیونٹی ہیلتھ سروسز” متعارف کرانے کا فیصلہ کرلیا۔
تفصیلات مطابق پنجاب میں "مریم نواز کمیونٹی ہیلتھ سروسز” متعارف کرانے کا فیصلہ کرلیا گیا ، وزیراعلیٰ پنجاب مریم نواز نے ہیلتھ سروسزسے متعلق جامع پلان طلب کرلیا ہے۔
کمیونٹی ہیلتھ سروسز کو فنکشنل کرنے کیلئے فوری اقدامات کا حکم دے دیا گیا ، ہیلتھ سروس شعبہ صحت کے 19 ٹاسک پورے کرے گی۔
کمیونٹی ہیلتھ سروسز کے ذریعے ہیلتھ سے متعلق امور پر ٹاسک پورے کیے جائیں گے اور پنجاب بھر میں آؤٹ سروسنگ کے ذریعے مزید 20ہزار ہیلتھ انسپکٹرزکی خدمات حاصل کی جائیں گی۔
لیڈی ہیلتھ ورکر پروگرام کو بھی کمیونٹی ہیلتھ سروسز سے منسلک کر دیا جائے گا اور 39ہزار لیڈی ہیلتھ ورکر اس سروسزفورس کا حصہ ہوں گی۔
ہیلتھ سروسزپولیو سمیت دیگر ویکسی نیشن کی ذمہ دار ہوگی، اس کے ذریعے مریضوں کا مستند ریکارڈ مرتب کیا جائے گا اور میپنگ کا ٹاسک بھی پورا کیا جائے گا۔
