وہاڑی میں 33 مقدمات میں ملوث ملزم پولیس مقابلے میں مارا گیا جبکہ ملزم کے دوسرے ساتھی کو زخمی حالت میں گرفتار کرلیا گیا۔
تفصیلات کے مطابق وہاڑی کے تھانہ ٹھینگی کی حدود میں پولیس مقابلے میں ایک ڈکیت مارا گیا جبکہ دوسرا زخمی ہوگیا، پولیس کا کہنا ہے کہ ناکے پر مشکوک افراد کو رکنے کا اشارہ کیا تو انہوں نے فائرنگ کردی۔
پولیس کے مطابق فائرنگ کے تبادلے میں ایک ڈاکو مارا گیا دوسرے کو زخمی حالت میں گرفتار کرلیا گیا، ہلاک ڈاکو کی شناخت اشرف جبکہ زخمی کی یسین کے نام سے ہوئی ہے۔
پولیس کے مطابق دونوں ڈاکوؤں سے موٹر سائیکل، 2 پستول برآمد ہوئے ہیں دونوں ڈاکو ضلع وہاڑی اور بہاولپور میں ڈکیتی کے 33 مقدمات میں ریکارڈ یافتہ تھے۔
