پاکستان میں سونے کی قیمت ایک روز کی کمی کے بعد پھر بڑھ گئی ہے۔

آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت ایک ہزار روپے اضافے کے عبد 3 لاکھ 8 ہزار روپے ہوگئی ہے۔

اسی طرح 10 گرام سونے کی قیمت 857 روپے اضافے سے 2 لاکھ 64 ہزار 60 روپے رہی۔

عالمی مارکیٹ میں بھی سونے کی قیمت میں اضافہ ہوا، سونا 6 ڈالر اضافے سے 2936 ڈالر فی اونس رہا ہے۔

گزشتہ روز پاکستان میں سونے کی فی تولہ قیمت 2000 روپے کی کمی ہوئی تھی جس کے بعد فی تولہ سونا 3 لاکھ 7 ہزار روپے کا ہوگیا تھا۔

پاکستان میں آج ڈالر اور دیگر کرنسیوں کی قیمت

واضح رہے کہ گزشتہ روز پاکستان ممیں سونے کی فی تولہ قیمت بلند ترین سطح پر پہنچ گئی تھی جس کے بعد فی تولہ قیمت ایک ہزار روپے اضافے سے 3 لاکھ 9 ہزار روپے پر پہنچ گئی تھی۔

یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔