ایبٹ آباد: پارکنگ تنازع پر نوجوان کے مبینہ قاتل چوکیدار کو مشتعل افراد نے مار ڈالا۔
تفصیلات کے مطابق ایبٹ آباد کے علاقے تھانہ چھانگلہ گلی کی حدود سمبر میں نجی سوسائٹی کے چوکیدار نے مقامی نوجوان کو پارکنگ کے تنازع پر چھریوں کے وار سے قتل اور اس کے بھائی کو زخمی کر دیا۔
پولیس نے مقتول کی نعش اور زخمی کو اسپتال پہنچایا، تاہم نوجوان عمران عباسی کے قتل کی اطلاع ملتے ہی سیکڑوں افراد نے سوسائٹی کا گھیراؤ کر لیا۔
مشتعل افراد نے سوسائٹی کے ایک حصہ میں آگ لگا دی اور پتھراؤ شروع کر دیا، ملزم نے بھاگنے کے لیے چھلانگ لگائی تو گر گیا، جس پر مشتعل افراد نے مبینہ قاتل چوکیدار کو گھیر لیا اور پولیس کی موجودگی میں تشدد کر کے ہلاک کر دیا۔
مخالف زمیندار کے ہاں کام کرنے پر بااثر شخص کا محنت کش پر تشدد، سر گنجا کر دیا
پولیس نے واقعے کا مقدمہ درج کر کے تفتیش شروع کر دی ہے۔
ادھر پاکپتن میں مخالف زمیندار کے ہاں کام کرنے پر بااثر ملزمان نے گھر میں گھس کر ایک محنت کش کو تشدد کے بعد گنجا کر دیا، اور اس دوران ملزمان ہوائی فائرنگ بھی کرتے رہے، پولیس نے مقدمہ درج کر دیا ہے تاہم کوئی گرفتاری عمل میں نہیں آئی۔
