ویٹی کن سٹی : پوپ فرانسس کی حالت تشویشناک ہے، ان کی صحت یابی کلیئے ویٹی کن سمیت مختلف مقامات پر دعائیہ تقاریب کا انعقاد کیا جارہا ہے۔
تفصیلات کے مطابق کیتھولک عیسائیوں کی مذہبی پیشوا پوپ فرانسس کی حالت مزید بگڑ گئی، ویٹی کن نے اپنے حالیہ بیان میں بتایا ہے کہ پوپ کو سانس لینے میں دشواری ہے اور طبیعت بدستور تشویشناک ہے ، جس کی وجہ سے انہیں آکسیجن دی جارہی ہے۔
اٹھاسی سال کے پوپ کو ڈبل نمونیا کی تشخیص ہوئی تھی، جس کی وجہ سے وہ چودہ فروری سے اسپتال میں داخل ہیں۔
تاہم ویٹیکین نے پوپ کے مستعفی ہونے سے متعلق قیاس آرائیوں کو بے بنیاد قرار دیتے ہوئے کہا کہ پوپ مستعفی نہیں ہو رہے ہیں۔
مزید پڑھیں : پوپ فرانسس کی طبعیت مزید بگڑ گئی
پوپ کی صحت یابی کے لیے ویٹی کن سمیت مختلف مقامات پر دعائیہ تقاریب کا انعقاد کیا گیا۔
یاد رہے پاپائے اعظم کی سانس کی نالی میں پولی مائیکروبیل انفیکشن کی تشخیص کے بعد ان کے علاج کی نوعیت کو تبدیل کر دیا گیا تھا۔
واضح رہے کہ پولی مائیکروبیل شدید نوعیت کا انفیکشن ہوتا ہے، جو وائرس، بیکٹریا، فنگس اور پیراسائٹس ایک ساتھ جمع ہو جانے پر ہوتا ہے۔
