کراچی : متحدہ عرب امارات کی جانب سے رمضان المبارک کی آمد سے قبل پاکستان میں مستحق خاندانوں میں راشن کی تقسیم شروع کردی گئی۔
تفصیلات کے مطابق یو اے ای قونصل خانے نے برسا برس اپنی ماضی کی روایت کو برقرار رکھتے ہوئے رمضان المبارک کی آمد سے قبل 3ہزار سے زائد مستحق میں شیخہ فاطمہ کی جانب سے راشن کی تقسیم کا آغاز کاٹھور سے کیا گیا۔
کراچی میں 3 ہزار سے زائد مستحقین کو راشن بیگ پہنچائے گئے ، سندھ اور بلوچستان کے اضلاع میں ہزاروں خاندانوں کو راشن تقسیم کیا جائے گا۔
اماراتی کے قونصل جنرل کا کہنا تھا کہ دونوں ممالک کے درمیان برادرانہ تعلقات ہیں اور رمضان کا پیغام ایک دوسرئے کی مدد کرنا ہے۔
انھوں نے کہا کہ اماراتی حکومت کی جانب سے کئی برسوں سے ہزاروں خاندانوں میں راشن تقسیم کیا جارہا ہے جس میں ایک خاندان کیلئے ایک ماہ کی ضروری اشیاء شامل ہیں۔
قونصل جنرل کا کہنا تھا کہ یو اے ای ہمیشہ ہر تہوار پر اپنے پاکستانیوں بہن بھائیوں کو یاد رکھتا ہے۔
