پاکستان میں چیمپئنز ٹرافی کا ہونا دنیا کو بھایا لیکن بھارت باز نہ آیا، چیمپئنز ٹرافی اور پاکستان کے خلاف بھارتی میڈیا نے پھر جھوٹا پروپیگنڈا کیا۔
اے آر وائی نیوز کے مطابق بھارتی میڈیا کی جانب سے جھوٹا واویلا سامنے آیا تھا کہ چیمپئنز ٹرافی کے دوران تھریٹ الرٹ جاری کردیا گیا، حقیقت یہ ہے کہ پاکستان کے کسی ادارے نے چیمپئزٹرافی کے دوران کسی قسم کا الرٹ جاری نہیں کیا۔
کیوی پلیئر راچن راویندرا کے موبائل فون چوری ہونے کا الزام بھی بھارتی میڈیا پر زیرگردش تھا، پر اسے منہ کی کھانا پڑی کہ موبائل چوری کا الزام بھی جھوٹا نکلا۔
چیمپئنز ٹرافی: پاکستان سیمی فائنل میں کیسے پہنچ سکتا ہے؟
نیوزی لینڈ کرکٹ بورڈ نے نوجوان اوپنر راچن راویندرا کے حوالے سے بھارتی میڈیا کے جھوٹ کی دوٹوک تردید بھی کی۔
بھارت میڈیا نے چیمپئنز ٹرافی کی افتتاحی تقریب کے حوالے سے پروپیگنڈا کیا اور خالی اسٹیڈیم کا ڈرامہ بھی کیا تھا جو ناکام ہوا، لاہور میں انگلینڈ اور آسٹریلیا کے درمیان میچ میں اسٹیڈیم کھچا کھچ بھراہوا تھا۔
