اسلام آباد : آپریشن سوئفٹ ریٹارٹ کے پس پردہ اصل حقائق آشکار ہوگئے، 26 فروری کوبھارتی فضائیہ نے جعلی سرجیکل سٹرائیک کا ڈرامہ رچایا تھا، جس کا بھانڈا پاکستان نے عالمی میڈیا کوموقع پرلے جا کر پھوڑا۔

تفصیلات کے مطابق پلوامہ ڈرامہ بھارتی حکومت ،بھارتی فضائیہ کی نااہلی اور بزدلانہ حرکت کا منہ بولتا ثبوت ہے۔

27 فروری 2019 کو بھارتی دراندازی کا پاک فضائیہ نے تاریخ ساز دفاع کیا ، 26 فروری کو بھارتی فضائیہ نے جعلی سرجیکل سٹرائیک کا ڈرامہ رچایا تھا لیکن بھارتی فضائیہ کا بھانڈہ پاکستان نے عالمی میڈیا کوموقع پرلے جا کر پھوڑا۔

26 فروری 2019 کو بھارت نے سرجیکل اسٹرائیک کے نام پر فضائی حدود کی خلاف ورزی کی ، مودی نے بذات خود طیاروں کے بادلوں میں چھپ کر کارروائی کا مضحکہ خیز بیان دیا تھا۔

پاک فضائیہ کی جوابی کارروائی میں ایک بھارتی طیارہ مار گرایا اور وِنگ کمانڈر ابھی نندن کو قیدی بنالیا۔

بھارت نے حقیقت کے اعتراف کے بجائے پاکستان کا ایف 16 طیارہ مار گرانے کا دعویٰ کیا لیکن بھارتی دعوے کو امریکی حکام، دفاعی تجزیہ کار کرسٹین فیئر اور غیر جانبدار بھارتی صحافیوں نے مسترد کیا۔

سینئر بھارتی صحافی اشوک سوائن نے 11 ستمبر 2018 کو ٹوئٹر پر دعویٰ کیا تھا مُودی پاکستان سے جنگ کا ڈرامہ رچا کر انتخابات میں کامیابی چاہتا تھا۔

امریکی صحافی کرسٹین فیئر نے کہا تھا کہ 100فیصد کہہ سکتی ہوں کوئی ایف 16 تباہ نہیں ہوا، میں کہتی ہوں کہ کاش آپ ایف 16 مار گرائیں۔

نیویارک ٹائمز کا بھی کہنا تھا کہ جنگی جنون میں مبتلابھارتی فضائیہ کے پائلٹ نے جلد بازی میں اپناہی ہیلی کاپٹر گرایا۔

یہی نہیں بلکہ بھارت کے دفاعی ماہرین نے بھی بھارتی فضائیہ کا جھوٹا دعویٰ مسترد کیا ، ،سابق بھارتی جنرل سیدعطاحسنین نے کہا
کسی نے انفارمیشن آپریشنزکا طریقہ سکھایا تو وہ آئی ایس پی آرہے۔

پاکستان ماضی میں کئی بار بھارتی فالس فلیگ آپریشن کےمنصوبوں کو بے نقاب کر چکا ہے ، 16 جنوری 2021 کو دی وائر کی رپورٹ میں ارناب گوسوامی کی لیک واٹس ایپ چیٹ سامنے آئی تھی ، لیک واٹس ایپ چیٹ کے مطابق پلوامہ حملہ مُودی سرکار کا سیاسی فائدہ حاصل کرنے کا ڈرامہ تھا۔

کانگریس رہنما اُدت راج نے بھی انکشاف کیا تھاپلوامہ حملے کی منصوبہ بندی مُودی سرکار نے خود کی اور 14 فروری 2023 کو بھی پاکستانی ایجنسیز نے بھارت کا پلوامہ طرز پر حملے کا منصوبہ بے نقاب کیا تھا۔