زرعی ٹیوب ویل اور 300 یونٹ استعمال کرنے والے بجلی صارفین کیلئے بڑی پیشرفت ہوئی ہے۔

وفاقی حکومت نے دونوں کیٹگریز کے صارفین کو فیول کاسٹ کیٹگری میں شامل کرنے کا فیصلہ کر لیا۔ ایف سی اےکی مد میں قیمتوں میں کمی یا اضافے کا اثر دونوں کیٹگریز کے بعد صارفین پر آئے گا۔

300یونٹ استعمال کرنے والے بجلی صارفین بھی فیول پرائس کیٹیگری میں شامل ہوں گے۔

حکومت نے جون 2015 سے 300 یونٹ صارفین کیلئے ایف سی اے کا امپیکٹ ختم کر دیا تھا۔ دسمبر 2010 سے زرعی ٹیوب ویل کو ماہانہ فیول ایڈجسٹمنٹ میں کمی ختم کر دی گئی تھی۔

پاور ڈویژن نے ایف سی اے کا امپیکٹ دونوں کیٹیگریز کو منتقل کرنےکیلئے نیپرا کو خط لکھ دیا۔ پاورڈویژن کا کہنا ہے کہ فیول کاسٹ میں کمی کا فائدہ صارفین کو دینے سے ماہانہ بلوں میں مزید کمی آئےگی۔