تفصیلات کے مطابق کراچی میں رات گئے دو مختلف حادثات میں تین افراد جاں بحق ہوگئے۔

پہلا حادثہ شارع فیصل نرسری کے قریب پیش آیا، جہاں تیز رفتار کار نے موٹر سائیکل پر سوار دو افراد کو کچل دیا ، حادثے میں موٹر سائیکل سوار دونوں افراد جان سے گئے۔

ریسکیو حکام کے مطابق موٹر سائیکل سوار ایک شخص آن لائن رائیڈر تھا، جس کی شناخت شکیل حیدر کے نام سے ہوئی ہے جبکہ جاں بحق ہونے والے دوسرے شہری کی شناخت نہ ہوسکی۔

جاں بحق ہونے والا تشکیل بائیک رائیڈر اور دو بچوں کا باپ تھا اور آبائی تعلق لاڑکانہ سے تھا۔

پولیس کے مطابق تیز رفتار کار سوارموٹر سائیکل دور تک رگڑتے ہوئے لے گیا اور کار بھی فٹ پاتھ سے ٹکراہی لیکن کار سوار فرار ہوگیا۔

عینی شاہد نے کہا کہ حادثہ تیز رفتار کار کی موٹرسائیکل کو ٹکر کے باعث پیش آیا، کار سوار تیز رفتاری سے آرہا تھا، موٹر سائیکل کوٹکرماری اور حادثے کے بعد تیز رفتار کار کئی بارکار فٹ پاتھ سے ٹکرائی۔

دوسرا حادثہ نمائش چورنگی کے قریب ہوا، جہاں دو موٹرسائیکلوں میں تصادم کے نتیجے میں ایک شخص جاں بحق اورایک زخمی ہوگیا تاہم لاشوں اور زخمیوں کو اسپتال منتقل کردیا گیا۔