آئل اینڈ گیس ریگولیٹری اتھارٹی (اوگرا) نے ایل پی جی کی فی کلو قیمت میں 6 روپے 15 پیسے کی کمی کردی۔

اے آر وائی نیوز کے مطابق اوگرا کی جانب سے ایل پی جی 11.8 کلو گھریلو سلنڈر کی قیمت میں 72 روپے 57 پیسے کی کمی کی گئی ہے۔

ایل پی جی کی نئی قیمت 247 روپے 82 پیسے فی کلو مقرر کی گئی ہے، ایل پی جی کے گھریلو سلنڈر کی قیمت 2924 روپے 36 پیسے ہوگئی ہے۔

واضح رہے کہ فروری میں گھریلو سلنڈر 2996 روپے 88 پیسے کا تھا۔

یاد رہے کہ اوگرا نے مارچ کے لیے ایل پی جی کی قیمتیں مقرر کی ہیں۔