کراچی : کمشنر کراچی نے ماہ رمضان میں گروسری اور دیگر اشیا کی نئی قیمتیں مقرر کر دیں، سرکاری قیمتیں ہر روز صبح جاری کی جائیں گی۔
تفصیلات کے مطابق رمضان المبارک میں گراں فروشی کی روک تھام کے لیے اقدامات کئے جارہے ہیں، کمشنر کراچی نے ماہ رمضان میں گروسری اور دیگر اشیا کی نئی قیمتیں مقرر کر دیں۔
گروسری اور دیگر اشیا کی نئی قیمتوں کا نوٹی فکیشن جاری کردیا گیا ، سبزی اورفروٹس کی سرکاری قیمتیں ہر روز صبح جاری کی جائیں گی۔
کمشنرکراچی دفتر میں شکایتی سیل کو فعال کر دیاگیا ہے، جس سے شہریوں کی شکایت سےگراں فروشی کی روک تھام میں مدد ملے گی۔
ڈپٹی کمشنرز کو گراں فروشوں کے خلاف سخت کارروائی کی ہدایت کرتے ہوئے کہا گیا ہے کہ سرکاری نرخ کی خلاف ورزی پردکانداروں پر جرمانہ اورگرفتاری کریں۔
کمشنر کا کہنا تھا کہ رمضان کے لئے مقرر کی جانے والی قیمتوں کو سختی سے نافذ کیا جائے گا اور قیمتوں کی فہرست آویزاں نہ کرنے پر جرمانہ اور گرفتار کیا جائے گا۔
رمضان کے لئے بچھایا کےگوشت کی قیمت 1150 اور ہڈی والا گوشت 1000 روپے کلو مقرر کیا گیا ہے جبکہ مٹن کا گوشت 2 ہزار روپے کلو میں فروخت ہوگا۔
