کراچی : مصطفیٰ عامرقتل کیس میں آئی جی سندھ غلام نبی میمن نے ارمغان کیخلاف منی لانڈرنگ کی تحقیقات کے لئے ایف آئی اے کو خط لکھ دیا۔
تفصیلات کے مطابق مصطفیٰ عامر قتل کیس میں سندھ پولیس نے ارمغان کیخلاف منی لانڈرنگ کی تحقیقات کا فیصلہ کرلیا ، اس حوالے سے آئی جی سندھ غلام نبی میمن نے ایف آئی اے کو خط لکھا ہے۔
اینٹی منی لانڈرنگ سیل اینڈ کاؤنٹر فنانشل ٹیر رازم کو لکھا گیا سامنے آگیا ہے ، ڈی آئی جی کرائم انویسٹی گیشن کا خط بھی منسلک کیا گیا ہے جبکہ خط میں ملزم ارمغان کےمالیاتی فراڈکا ذکرکیا گیا۔
خط میں کہا گیا ہے کہ ایف آئی اے منی لانڈرنگ ایکٹ کے تحت انکوائری کی جائے۔
مزید پڑھیں: مصطفیٰ عامرقتل کیس : ارمغان کے منی لانڈرنگ میں ملوث ہونے سے متعلق تحقیقات شروع
یاد رہے وفاقی تحقیقاتی ادارے (ایف آئی اے) نے ارمغان کے منی لانڈرنگ میں ملوث ہونے سے متعلق تحقیقات شروع کردی۔
اینٹی منی لانڈرنگ سرکل اورسائبر کرائم سرکل مشترکہ تفتیش کررہے ہیں، حکام نے بتایا کہ ارمغان کے تمام اکاؤنٹس اور پراپرٹیز کو 90 روز کیلئے منجمد کر رہے ہیں۔
ایف آئی اے حکام کا کہنا تھا کہ ارمغان نے اکاؤنٹس سےجن افراد کیساتھ ڈیلنگ کی انہیں بھی شامل تفتیش کیا جائے گا۔
