کراچی: پاکستان میں آج کاروباری ہفتے کے آخری روز سونے کی قیمت میں کمی واقع ہوئی۔
آل پاکستان جیمز اینڈ جیولرز ایسوسی ایشن کے مطابق آج سونا فی تولہ 500 روپے کمی سے3 لاکھ روپے کا ہوگیا جبکہ 10گرام سونا 438 روپے کمی سے 2 لاکھ 57 ہزار 201 کا ہوگیا۔
اسی طرح عالمی مارکیٹ میں سونا 6 ڈالر سستا ہوکر 2857 ڈالر فی اونس کا ہوگیا جبکہ چاندی فی تولا 10 روپے کمی سے 3240 روپے کی سطح پر آگئی۔
گزشتہ روز بھی سونے کی فی تولہ قیمت 2 ہزار 500 روپے کمی کے بعد فی تولہ قیمت 3 لاکھ 500 روپے ہوگئی تھی، اسی طرح دس گرام سونے کی قیمت 2 ہزار 143 روپے کم ہوکر 2 لاکھ 57 ہزار 639 روپے پر پہنچ گئی تھی۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
اوگرا نے ایل پی جی کی قیمت میں کمی کردی
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
