لاہور: چینی کی قیمت بڑھتے بڑھتے 170 روپے کلو تک جا پہنچی ، دکانداروں کا کہنا ہے کہ چینی مزید مہنگی ہوگی، ڈبل سنچری کر سکتی ہے۔
تفصیلات کے مطابق رمضان کے مہینے میں مال کمانے کے لیے چینی مافیا سرگرم ہیں ، وزیراعظم شہباز شریف کی جانب سے چینی مہنگی ہونے کا نوٹس لینے کے باوجود چینی کی قیمت میں اضافہ نہ رک سکا۔
چینی کی قیمت بڑھتے بڑھتے 170 روپے کلوتک جا پہنچی، تاجروں کا کہنا ہے شوگر کی قیمت میں اضافہ کی بڑی وجہ حکومت کی ایکسپورٹ پالیسی ہے۔
چئیرمین پنجاب کریانہ ایسوسی ایشن حافظ عارف گجر نے کہا کہ حکومت نے قیمت میں اگر اضافہ نہ روکا تو آنے والے دنوں میں قیمت 200 روپے فی کلو سے تجاوز کر جائے گی۔
عارف گجرکا کہنا تھا کہ حکومت کی چینی برآمد کرنے کی پالیسی سے نرخ بڑھے، مل مالکان نے مصنوعی قلت پیدا کی، ذخیرہ اندوزوں پربھی ہاتھ ڈالاجائے۔
الیاس مجید تاجر رہنما الیاس مجید کا کہنا تھا کہ وزیراعظم شہبازشریف نے گزشتہ روز اجلاس میں چینی قیمتوں پر قابو پانے کے لیے سخت اقدامات کی ہدایت کی تھی، وزیراعظم نے ذخیرہ اندوزوں کے خلاف بھی سخت کارروائی کا حکم دیا تھا۔
