نیویارک : مائیکروسوفٹ کے بانی بل گیٹس سب سے زیادہ دولت کما کر ایک بار پھر دنیا کے امیر ترین شخص بن گئے ۔
دنیا بھر میں سب سے زیادہ دولت کما کر بل گیٹس نے ایک بار پھر سب کو پیچھے چھوڑ دیا، مالیاتی جریدے فوربز کے مطابق اس سال پھر بل گیٹس تین ارب ڈالر کما کر سب پر بازی لے گئے۔
اس سال بل گیٹس کی دولت اور اثاثوں کی مالیت 76 ارب ڈالر ہوگئی ہے جو کہ گذشتہ سال 67 ارب ڈالر تھی،۔امریکی جریدے کے مطابق گزشتہ 20 برسوں میں 15 برس گیٹس دنیا کے سب سے امیر آدمی بنے ہیں۔
دولت مندوں میں دوسری پوزیشن ستتر ارب ڈالر رکھنے والے میکسیکو کے صنعت کار کارلوس ساسلم کی ہے جبکہ تیسرے نمبر پر بہتر ارب ڈالر کی دولت کے ساتھ برکشائران کمپنی کے سربراہ وارن بفیٹ ہیں۔
جریدے کے مطابق اس وقت دنیا میں اٹھارہ سو چھبیس ارب پتی ہیں۔
دو ہزار چودہ کے ارب پتی افراد کی فہرست میں ٹیکنالوجی کی دنیا سے وابستہ افراد کی تعداد زیادہ ہے اور سب سے زیادہ دولت کمانے کے معاملے میں سب سے آگے فیس بک کے بانی مارک زیربرگ رہے، جن کے اثاثوں کی مالیت گزشتہ سال سے تقریباً دوگنی ہو کر 28 ارب 50 کروڑ ڈالر ہوگئی ہے، اس کے علاوہ واٹس ایپ کے بانی جین یام اور برائن اییٹن کا نام بھی ارب پتی افراد کی فہرست میں شامل ہے۔
