سابق پاکستانی کرکٹر باسط علی کا کہنا ہے کہ جنہوں نے بھی سلمان آغا کو کپتان اور شاداب کو نائب کپتان بنایا ہے انہیں نوبل انعام ملنا چاہیے۔

اے آر وائی نیوز کے چیمپئنز ٹرافی اسپیشل شو میں گفتگو کرتے ہوئے سابق کرکٹر باسط علی نے کہا کہ کون لوگ ہیں جو اس ملک کے ساتھ کھیل رہے ہیں اس سے زیادہ میں کیا کہہ سکتا ہوں۔

کامران اکمل نے کہا کہ شاہین کو جب کپتان بنایا اور پھر ہٹایا تو میں نے اس وقت بھی کہا تھا کہ پانچ میچوں کے بعد کوئی اچھا کپتان نہیں بن جاتا، رضوان نے صرف ٹی 20 میچز میں کپتانی کی تھی نہیں جیت سکے۔ اگر سلمان آغا کو کپتان دورہ نیوزی لینڈ کے لیے کپتان بنایا ہے تو ٹھیک اگر لانگ ٹرم کے لیے بنایا ہے تو اچھا فیصلہ نہیں۔

انہوں نے کہا کہ محمد رضوان کو ہی کپتان بنانا چاہیے اگر انہیں ٹی 20 کھلانا ہے۔

کامران اکمل نے کہا کہ جسے نائب کپتان بنایا ہے پہلے اسے بھی اپنی جگہ ٹیم میں پکی کرنی ہے، میرے لیے سرپرائز ہے دیکھتے ہیں یہ سرپرائز پاکستان کے لیے اچھا ہو۔

انہوں نے کہا کہ عاقب جاوید کو چیمپئنز ٹرافی میں شکست کے بعد پریس کانفرنس کرکے بتاتے لیکن ایسا نہیں ہوا۔