کراچی : پی ای سی ایچ ایس بلاک 2 میں فائرنگ سے سیکیورٹی گارڈ جاں بحق ہوگیا، مقتول لائن لائنزایریا کا رہائشی تھا۔
تفصیلات کے مطابق کراچی کے علاقے پی ای سی ایچ ایس بلاک 2 میں فائرنگ کا واقعہ پیش آیا ، جس سے ایک شخص جاں بحق ہوگیا۔
ریسکیو حکام نے بتایا کہ مقتول کی شناخت ساجد بیگ کے نام سے ہوئی، مقتول گلی میں سیکیورٹی گارڈ تھا اور لائن لائنزایریا کا رہائشی تھا۔
پولیس نے کہا کہ موٹرسائیکل پر سوار ملزمان نے فائرنگ کرکے مقتول کو قتل کیا تاہم لاش کو ضابطے کی کارروائی کے لئے جناح اسپتال منتقل کردی گئی ہے۔
حکام کا کہنا تھا کہ رات گئےہونیوالاقتل ڈکیتی مزاحمت نہیں، قتل کی وجوہات فی الحال سامنےنہیں آسکیں تاہم تحقیقات جاری ہے۔
علاقہ مکین کا کہنا تھا کہ گلی میں اسٹریٹ کرائم کی وارداتیں بڑھ رہی تھی، اسٹریٹ کرائم کی وارداتوں کے باعث سیکیورٹی گارڈ ساجد کو رکھا تھا۔
خیال رہے کراچی میں رواں سال اب تک ڈکیتی مزاحمت پر ہلاکتوں کی تعداد 19ہوگئی ہے۔
