بھارتی ٹیم کے ہیڈ کوچ گوتم گمبھیر ٹیم کے چیمپئنز ٹرافی کے فائئنل میں پہنچنے پر بھی مطمئن نہیں۔

بھارتی میڈیا رپورٹ کے مطابق بھارت نے سیمی فائنل میں آسٹریلیا کو 4 وکٹوں سے شکست دی تھی میچ کے بعد پریس کانفرنس میں گوتم گمبھیر نے کہا کہ انٹرنیشنل کرکٹ میں چاہتے ہیں کھیل میں مسلسل بہتری آئے تو آپ یہ نہیں کہتے کہ کھیل میں بالکل پرفیکٹ ہیں۔

انہوں نے کہا کہ ہم نے ابھی تک اپنی بہترین کرکٹ نہیں کھیلی ہے اور میں اپنی کارکردگی سے کبھی بھی مکمل طور پر کبھی مطمئن نہیں ہوگا۔

گوتم گمبھیر نے فائنل سے متعلق کہا کہ ہمارے پاس اب بھی ایک میچ باقی ہے امید ہے کہ ہم اس میچ میں اپنی بہترین کرکٹ کھیل سکیں گے۔

ہیڈ کوچ نے کہا کہ ہم اپنے مخالفین کے خلاف میدان میں بے رحم ہونا چاہتے ہیں اور میدان سے باہر ہم عاجز رہنا چاہتے ہیں۔

واضح رہے کہ چیمپئنز ٹرافی کا فائنل دبئی میں اتوار 9 مارچ کو بھارت اور نیوزی یلنڈ کے مابین کھیلا جائے گا۔