ماضی کی مشہور جوڑی شاہد کپور اور کرینہ کپور خان کی ملاقات ہوئی، سوشل میڈیا پر وائرل ویڈیو نے مداحوں کو خوشگوار حیرت میں مبتلا کردیا۔
بالی ووڈ کے مداح شاید اپنی آنکھوں اور کانوں پر یقین نہیں کریں گے، تاہم یہ حقیقت ہے کہ سابق ساتھی اداکاروں کرینہ کپور اور شاہد کپور نے ہفتے کو جے پور میں آئیفا 2025 کی پریس کانفرنس میں پرجوش ملاقات کی اور ایک دوسرے کو گلے بھی لگایا۔
دونوں کے برسوں بعد اس طرح ملنے کو پاپرازی فوٹوگرافرز نے فوری طور پر محفوظ کیا، شاہد اور کرینہ نے مسکراتے ہوئے ایک دوسرے سے بات کی اور میڈیا کے سامنے باتیں کرتے بھی نظر آئے۔
کرینہ اور شاہد نے بالی ووڈ کی چند آئیکونک فلموں میں سے ایک ‘جب وی میٹ’ میں ایک ساتھ کام کیا تھا، یہ رومینٹک فل آج بھی شائقین کے ذہنوں پر نقش ہے اور پرستار انھیں ان کے کردار گیت اور آدتیہ کے نام سے جانتے ہیں۔
کسی زمانے میں ایک دوسرے سے قریبی تعلقات میں رہنے والا یہ جوڑا اپنی راہیں برسوں پہلے جدا کرچکا ہے اور اپنی اپنی شادی شدہ زندگی میں خوش ہے۔
تاہم آئیفا ایوارڈز میں ان کی پھر سے دوستانہ ملاقت پر مداح کافی خوش ہیں، ایک صارف نے کمنٹ کیا "آخر کار دونوں میچور لوگوں کی طرح برتائو کررہے ہیں”۔
ایک شخص نے حیرت کا اظہار کرتے ہوئے لکھا "معجزہ ہوگیا، یہ دیکھ کر خوشی ہوئی،” ایک اور صارف نے اپنے خیالات کا اظہار کیا "او ایم جی یہ کیا ہوا ہے”۔
