سابق کپتان شاہد آفریدی کا کہنا ہے کہ کوچز اپنی نوکری بچانے کے لیے کھلاڑیوں پر الزام لگاتے ہیں۔

سابق کپتان شاہد آفریدی نے میڈیا سے گفتگو کرتے ہوئے کہا کہ کپتان اور کوچز کو وقت دیں ان پر تلوار نہ لٹکائیں، سرجریز پلیئرز کی ہورہی ہیں مینجمنٹ خود کو بچارہی ہے۔

انہوں نے کہا کہ جیسے ہی نیا چیئرمین آتا ہے وہ سب تبدیل کردیتا ہے۔

شاہد آفریدی نے کہا کہ بیماری ہمارے نیچے کے سسٹم میں ہے، ہماری کرکٹ کافی دیر سے آئی سی یو میں ہی ہے، میرٹ کے اوپر جب فیصلے نہیں ہوں گے تو چیزیں ایسی چلیں گی۔

سابق کپتان نے کہا کہ لڑکے ٹیم میں کیسے واپس آتے ہیں یہ کسی کو نہیں معلوم، شاداب نے ڈومیسٹک میں کونسی پرفارمنس دی ہے، آج جو لڑکے ٹی 20 سے باہر ہیں کل وہ واپس آجائیں گے۔

انہوں نے کہا کہ کوچز کو 2 سال کا کنٹریکٹ اور انہیں موقع دو، سلمان علی آغا ون ڈے کا اچھا پلیئر ہے، ایسے پلیئر کو آپ کپتان کیسے بناسکتے ہیں۔

شاہد آفریدی نے کہا کہ فائنل تقریب میں پی سی بی کا نمائندہ نہ بلانا بہت بڑا سوال ہے۔