بدھ, مارچ 12, 2025
اشتہار

آئیفا 2025 کا میلہ شاہ رخ خان کے ہیروں کے ہار نے لوٹ لیا

اشتہار

حیرت انگیز

آئیفا ایوارڈز 2025 میں بالی ووڈ کے بادشاہ شاہ رُخ خان کے ہیروں کے ہار نے صارفین کی تمام تر توجہ حاصل کرلی۔

بالی ووڈ کے بادشاہ شاہ رُخ خان کے آئیفا ایوارڈز 2025 کے فیشن اسٹائل نے مداحوں کے دل جیت لیے، شاہ رخ خان نے جے پور میں منعقد ہونے والے گرینڈ آئیفا ایوارڈز 2025 میں شرکت کی۔

کنگ خان ایوارڈ شو کے لیے پہنچے جس کیلئے انہوں نے مشہور فیشن ڈیزائنر منیش ملہوترا کا سیاہ رنگ کا بیگی ٹراؤزر سوٹ پہن رکھا تھا،  پاپرازی کو پوز دیتے ہوئے شاہ رُخ کی گلے میں موجود ہیروں کے ہار نمایاں تھا جو ان کے اس فیشن اسٹائلنگ کو چار چاند لگا رہا تھا۔

 

View this post on Instagram

 

A post shared by IIFA Awards (@iifa)

سوشل میڈیا پر اداکار کی تصاویر خوب وائرل ہو رہی ہیں جس میں مداحوں کو بادشاہ کا یہ شاہانہ انداز بےحد پسند آیا ایک صارف نے شاہ رُخ کے اسٹائل پر تبصرہ کرتے ہوئے لکھا ’جے پور میں چاند نکل آیا ہے‘۔

دوسری جانب آئیفا کے آفیشل انسٹاگرام پیج نے شاہ رخ خان کی ریڈ کارپٹ پر پوز دیتے ہوئے تصاویر شیئر کیں اور اس پوسٹ کے ساتھ کیپشن میں لکھا کہ  "The man, the myth, the Legend!”

بھارتی میڈیا کے مطاطق شاہ رخ خان کے گلے میں موجود ہار ایک جیولری برانڈ کی تشہیر کا حصہ تھی، اس ہیروں کے بیش قیمت ہار کی اصل قیمت کے بارے میں قیاس آرائیاں کی جارہی ہیں تاہم اصل قیمت نہیں بتائی گئی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں