نیوزی لینڈ کے سابق فاسٹ بولر شین بونڈ کا کہنا ہے کہ اگر اب بھارتی فاسٹ بولر جسپریت بمراہ کمر کی انجری ہوئی تو ان کا کیریئر ختم ہوجائے گا۔
بھارت کے مایہ ناز فاسٹ بولر جسپریت بمراہ بارڈر گواسکر ٹرافی میں شاندار کارکردگی کے بعد کمر کی تکلیف مین مبتلا ہوئے اور اسی وجہ سے وہ چیمپئنز ٹرافی کھیلنے سے بھی محروم رہے۔
نیوزی لینڈ کے سابق اسپیڈ اسٹار شین بونڈ نے کہا کہ بمراہ کو چیمپئنز ٹرافی 2025 کے لیے بھارتی اسکواڈ میں شامل نہ کرنے کی پیشگوئی کی تھی، انڈین پریمیئر لیگ اور انگلینڈ کے خلاف پانچ میچوں کی ٹیسٹ سیریز جسپریت بمراہ کے لیے خطرناک ثابت ہوسکتی ہے۔
انہوں نے کہا کہ جب وہ اسکین کے لیے روانہ ہوئے تو سڈنی میں تھے اردگرد سے کچھ پیغامات آرہے تھے کہ ان کے پاؤں میں موچ ہے میں فکرمند تھاکہ یہ موچ تو نہیں ہے یہ کمر کے اردگرد ہڈیوں کی چوٹ ہے۔
واضح رہے کہ بھارت جون اور اگست کے شروع میں ریڈ بال سیریز کھیلنے انگلینڈ جائے گا۔
انہوں نے کہا کہ آپ ٹیسٹ میچ کھیلنے کے لیے بے چین ہیں لیکن آپ یہ بھی سمجھتے ہیں کہ بعض اوقات کچھ خطرات ہوتے ہیں اور آپ کو سمجھوتا کرنا پڑتا ہے۔
شین بانڈ نے کہا کہ اگر ہم اسے انگلش موسم گرما کے دوران شامل کرتے ہیں اور وہ فٹ ہے تو شاید کچھ اعتماد کے ساتھ جاسکتے ہیں، ہم اسے باقی فارمیٹس لے جاسکتے ہیں لہٰذا یہ مشکل ہے کیونکہ آپ کا بہترین بولر ہے لیکن اگر اسے اسی جگہ پر کوئی اور چوٹ لگی ہے تو یہ ممکنہ طور پر کیریئر کا اختتام ہوسکتا ہے۔
سابق فاسٹ بولر نے کہا کہ مجھے یقین نہیں ہے کہ آپ اس جگہ پر دوبارہ سرجری کرسکتے ہیں۔
بھارتی میڈیا رپورٹ کے مطابق بمراہ آئی پی ایل 2025 کے پہلے دو ہفتوں سے محروم رہ سکتے ہیں، ممبئی انڈینز جلد سے جلد اپنے فاسٹ بولر کی واپسی کی امید کررہے ہیں۔
