لاہور : انسداد دہشت گردی ڈیپارٹمنٹ ( سی ٹی ڈی) نے لاہورمیں دہشت گردی کا بڑا منصوبہ ناکام بناتے ہوئے کالعدم تنظیم کےخودکش بمبار کو گرفتارکر لیا۔
تفصیلات کے مطابق لاہور کے علاقے برکی روڈ کےقریب سی ٹی ڈی اوردہشت گردوں کےدرمیان فائرنگ کا تبادل پوا ، اس دوران کالعدم تنظیم کے خودکش بمبار کو گرفتار کرلیا گیا جبکہ ساتھی زخمی حالت میں فرار ہوگیا۔
ترجمان نے بتایا کہ سی ٹی ڈی نے دہشت گردوں کی گرفتاری کیلئے انٹیلی جنس بیسڈ کارروائی کی، گرفتار دہشت گرد سے خودکش جیکٹ،سیفٹی فیوزوائر اور بارودی مواد برآمد ہوا۔
ترجمان کا کہنا تھا کہ سی ٹی ڈی نے برکی روڈ کے اطراف کو گھیرے میں لے کر سرچ آپریشن شروع کردیا۔
انسداد دہشت گردی ڈیپارٹمنٹ نے کہا کہ خودکش دہشت گرد کی شناخت شمس کےنام سےہوئی ہے، گرفتار دہشت گرد بلوچستان کارہائشی اور کالعدم ٹی ٹی پی سے تعلق ہے۔
ترجمان کے مطابق دہشت گردلاہور پربڑے حملےکی منصوبہ بندی مکمل کرچکےتھے تاہم سی ٹی ڈی نےمقدمہ درج کرکے مزید تفتیش شروع کردی ہے۔
