ویڈیو رپورٹ: نوید فریاد ڈوگر
رنگ پور میں ہیر رانجھا کی لوک داستان سے منسوب 100 سالہ قدیمی میلہ اب بھی تمام رنگینیوں اور رعنائیوں کے ساتھ ہر سال مارچ میں سجتا ہے۔
میلے کا رنگین بازار، یہاں آنے والی طرح طرح کی آوازیں، کھیل تماشے اور تفریحی سرگرمیاں آنے والوں کو ماضی میں لے جاتی ہیں، بچوں کے لیے یہ میلہ کسی جادوئی دنیا سے کم نہیں۔ روایتی رقص، کپڑے جوتے، زیورات اور کھانوں کے اسٹالز میلے کی گہما گہمی میں بھرپور حصہ ڈالتے ہیں۔
میلے میں کار اور ٹرین کا سفر، طرح طرح کے جھولے اور موت کا کنواں سمیت تفریح کے سارے مواقع موجود ہیں، اس میلے کو دیکھنے کے لیے لوگ پورا سال شدت سے انتظار کرتے ہیں۔
