پشاور کے شہری نے ماہ مقدس میں اپنے گھر کے ایک حصے کو عارضی تندور میں بدل دیا ہے. پشاور کے علاقے سعید آباد میں مجیب الرحمان نامی شہری ہر سال رمضان میں تندور لگاتے ہیں، اور یہاں سستی روٹیاں فروخت ہوتی ہیں یا پھر مفت میں مل جاتی ہیں۔
اس تندور پر روزانہ ساڑھے چار ہزار روٹیاں تیار ہوتی ہیں، ایک سو 160 گرام روٹی صرف 10 روپے میں ملتی ہے، جب کہ روزانہ ایک ہزار روٹی مفت تقسیم ہوتی ہے۔
یہ تندور ہر روز 3 بجے شروع ہوتا ہے اور افطاری تک روٹیاں تیار ہوتی رہتی ہیں، جسے لینے کے لیے مختلف علاقوں سے لوگ آتے ہیں۔ مجیب الرحمان گزشتہ 4 سال سے رمضان میں یہ تندور لگاتے ہیں، اس کام میں ان کے بھائی، بچے اور گھر کے دیگر افراد بھی بڑھ چڑھ کر شامل ہوتے ہیں۔
