اتوار, مارچ 16, 2025
اشتہار

یونیسیف کا پاکستان میں انسداد سروائیکل کینسر مہم شروع کرنے کا اعلان

اشتہار

حیرت انگیز

اقوام متحدہ کے ذیلی ادارے یونیسیف نے پاکستان میں رواں برس ستمبر سے انسداد سروائیکل کینسر مہم شروع کرنے کا اعلان کیا ہے۔

اے آر وائی نیوز کے مطابق راولپنڈی میں یونیسیف کے زیر اہتمام ورکشاپ منعقد ہوئی۔ اس ورکشاپ سے خطاب کرتے ہوئے یونیسیف حکام نے پاکستان دنیا میں سروائیکل کینسر سے متاثرہ ساتواں ملک ہے۔ رواں برس ستمبر سے ملک بھر میں انسداد سروائیکل کینسر مہم شروع کرنے کا اعلان کیا۔

اس مہم کے دوران 9 سے 14 سال تک کی بچیوں کو ویکسین لگائی جائے گی۔ جب کہ سال 2030 تک 90 فیصد بچیوں کو ایچ پی وی ویکسین لگانے کا ہدف مقرر کیا ہے۔

یونیسیف حکام نے مزید کہا کہ سروائیکل کینسر زیادہ تر بچیوں کو متاثر کرتا ہے جب کہ 35 سے 40 سال کی عمر میں خواتین سروائیکل کینسر سے متاثر ہوتی ہیں۔

انہوں نے بتایا کہ سروائیکل کینسر وائرس ہے، جو ایک انسان سے دوسرے میں منتقل ہوتا ہے۔ یہ کینسر ہیومن پاپیلوما وائرس انفیکشن سے پھیلتا ہے۔

یونیسیف حکام نے کہا کہ سروائیکل کینسر اب قابل علاج مرض ہے اور اب حکومت پاکستان کے پاس اس کی ویکسین موجود ہے۔ خواتین کیلیے پنجاب بھر میں ویل ویمن کلینک قائم کیے گئے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں