پاکستان نے فائنل میچ میں میزبان انڈونیشیا کو ہرا کر ڈیوس کپ جونیئرز پری کوالیفائنگ ٹینس ٹورنامنٹ جیت کر سبز ہلالی پرچم بلند کر دیا۔
اے آر وائی نیوز کے مطابق انڈونیشیا میں کھیلے جا رہے ڈیوس کپ جونیئرز پری کوالیفائنگ ٹینس ٹورنامنٹ کے فائنل میں پاکستان نے میزبان ٹیم کو شکست دے کر ٹورنامنٹ جیت لیا۔
پہلے سنگل مقابلے میں ابوبکر طلحہٰ نے دو ایک اور چھ دو سے کامیابی حاصل کی جبکہ دوسرے سنگل میں انڈونیشیا کے گناوان میکا نے پاکستان کے میکائیل علی کو شکست دی۔
فیصلہ کن ڈبلز مقابلے میں حمزہ رومن اور ابوبکر طلحہٰ نے اندونیشین جوڑی کو ہرا کر ٹائٹل جیت لیا۔
اس جیت کے ساتھ ہی پاکستان نے آئی ٹی ایف ایشیا اوشیانا ڈیوس کپ جونیئرز کوالیفائنگ ایونٹ کیلیے بھی کوالیفائی کر لیا ہے۔
