پاکستان کرکٹ بورڈ (پی سی بی) نے جنوبی افریقا کےآل راؤنڈر کوربن بوش کو قانونی نوٹس بھیج دیا۔
پی سی بی نے جنوبی افریقی آل راؤنڈر کے خلاف قانونی چارہ جوئی شروع کر دی۔ کوربن بوش کو پی ایس ایل میں اپنی ذمہ داریوں کی خلاف ورزی پر نوٹس بھیجا گیا ہے۔
30 سالہ بوش کو پشاور زلمی نے 13 جنوری کو لاہور میں منعقدہ پلیئر ڈرافٹ کے دسویں ایڈیشن کے دوران ڈائمنڈ کیٹیگری میں منتخب کیا تھا۔
قانونی نوٹس ان کے ایجنٹ کے ذریعے بھیجا گیا ہے جس میں کھلاڑی سے کہا گیا ہے کہ وہ اپنے پیشہ ورانہ اور معاہدے کے وعدوں سے دستبرداری کے اپنے اقدامات کا جواز پیش کریں۔
دنیا کی کامیاب ترین لیگز میں سے ایک پاکستان سپر لیگ (پی ایس ایل) کے دسویں ایڈیشن کی تیاریاں جاری ہیں جس کی ڈرافٹنگ کا عمل مکمل ہوگیا۔
جہاں کئی بڑے نام اس ایڈیشن کا حصہ بنے وہیں دیگر کئی بڑے کرکٹ اسٹارز کو اس لیگ میں کوئی خریدار نہ ملا۔
ڈرافٹنگ میں ٹی 20 کرکٹ کے سب سے کامیاب اوپنر ڈیوڈ وارنر، شان ایبٹ، کین ولیمشن، ڈیرل مچل، فن ایلن، مارک چمپن، ایڈم ملن سمیت دیگر کو مختلف فرنچائز نے اپنی ٹیموں کا حصہ بنایا۔
لیکن کچھ ایسے بھی کھلاڑی ہیں، جن کی انٹرنیشنل کرکٹ میں کارکردگی بے مثال اور اپنی ٹیموں کو تن تنہا میچ جتوا چکے ہیں لیکن وہ پی ایس ایل 10 کی ڈرافٹنگ میں کسی بھی فرنچائز کا دل نہ جیت سکے۔
ان سپر اسٹار کرکٹرز میں جیسن روئے، ٹم ساؤتھی، سرفراز احمد، عثما خواجہ، عمران طاہر، جمی نشیم، شکیب الحسن، کرس لین، مجیب الرحمان، ایلکس ہیلز ڈینیل سمنز ایشٹن ایگر، کوپر کانوولی، ولیم سدرلینڈ، مستفیض الرحمان، موئسز ہینرکس، مارک اسٹیکیٹے، ریضا ہینڈرکس، ٹائل ملز، جو کلارک، تبزیز شمسی جیسے بڑےنام شامل ہیں۔
