پشاور: خیبرپختونخوا میں تھانوں اور چوکیوں پرحملہ کرنے والے دہشت گرد کو جہنم واصل کردیا گیا۔
تفصیلات کے مطابق خیبرپختونخوا پولیس نے دہشت گردوں کو منہ توڑ جواب دیتے ہوئے تھانوں اور چوکیوں پرحملہ کرنے والے دہشت گرد کو جہنم واصل کردیا۔
آئی جی خیبرپختونخوا ذوالفقارحمید نے بتایا کہ پولیس کے جوانوں نے لکی مروت اورکرک کی سرحدپرٹی ٹی پی کے ٹھکانوں کو تباہ کیا۔
ذوالفقارحمید نے کہا عارضی ٹھکانے اور سہوتکاری کرنے والوں کے ساتھ کوئی نرمی نہیں ہوگی اور ہمارا آپریشن آخری ٹھکانے کے خاتمے تک جاری رہے گا جن میں تمام ادروں کا تعاون حاصل ہے۔
اے ایس آئی نور سلام کا کہنا تھا کہ کرک میں کلیم اللہ گروپ کے دہشت گرد کمانڈر کاشف شکر خیل کو ہلاک کردیا گیا ہے۔
انھوں نے بتایا کہ سروس مین نظارعلی بھی اسنائپرکی گولی کانشانہ بن کرشہید ہوئے تاہم پولیس فورس کے حوصلے بلند ہیں، قانون نافذ کرنے والے اداروں اور عوام کے تعاون سے ایک بار پھر دہشت گردوں کا مکمل خاتمہ کریں گے.
