ویسے تو ہمارے گھروں میں سحر و افطار میں طرح طرح کے پکوان بنتے ہی ہیں لیکن روز ایک جیسی چیزیں کھا کر کچھ نیا پکانے کو جی چاہتا ہے۔
اسی بات کے پیش نظر آج ہم آپ کیلیے ایک ایسی چائنیز ڈش بنانے کی ترکیب لے کر آئے ہیں جسے کھا کر آپ اور آپ کے اہل خانہ انگلیاں چاٹتے رہ جائیں گے اور تعریف کیے بغیر نہ رہ سکیں گے۔
اس پکوان کا نام ہے ’چائنیز ایگ پلانٹ‘ جس کو بنانے کی ترکیب مندرجہ ذیل سطور میں بیان کی جارہی ہے۔
اجزاء :
بینگن گول والے
نمک حسب ذائقہ
براؤن شوگر 2 چمچ
کارن فلور ایک کپ
چاول کا آٹا
کُٹی ہوئی ادرک
کُٹا ہوا لہسن
ویجی ٹیبل آئل
سویا سوس
لال مرچیں
چاٹ مصالحہ
سفید سرکہ
ہرا دھنیا
ہری پیاز کٹی ہوئی
بنانے کی ترکیب
بینگن کے گول سلائس کاٹ کر ٹھنڈے پانی میں ڈال دیں۔ ایک پیالے میں کورن فلاور اور چاول کا آٹا برابر مقدار میں لے لیں اور اس میں نمک، چاٹ مصالحہ اور تھوڑا سا پانی ڈال کر اس کا پیسٹ بنالیں۔
اس کے بعد فرائنگ پین میں آئل ڈال کر اسے گرم کرلیں، اس کے بعد میں بینگن کے گول سلائس کو پیسٹ میں اچھی طرح ڈبو کر فرائی کرلیں اور کرپسی ہونے پر نکال لیں۔
ایک اور فرائنگ پین میں تھوڑا سا آئل ڈالیں اور کٹے ہوئے لہسن ڈال کر گرم کریں اس میں کٹی ہوئی لال مرچیں اور ادرک کے ساتھ سویا سوس، آدھا چمچ براؤن شوگر، سفید سرکہ، تھوڑا سا ہرا دھنیا اور ہری پیاز کٹی ہوئی ملا کر بھون لیں۔
اب ان بینگنوں کے تلے ہوئے ٹکڑوں کو ایک پلیٹ میں لائن سے رکھ کر اس اوپر چائنیز ایک پلانٹ کو ان کے اوپر ڈال کر دسترخوان پر سجا دیں۔
<
